藍屋 (已結業)

话说老公知我钟情希腊，好耐之前同我提过有一间蓝白色调装潢的餐厅，一直想来食，奈何我地住九龙好少过海，今日难得过海，就心想一定要过来试下。7点左右到，安排坐窗边沙发位置，坐得好舒服。食物方面叫左2个餐，一个BBQ Ribs 配薯角，一个猪鞍配意粉，跟餐汤，蒜蓉包，餐饮。份量同味道都唔错，2大人1小朋友都食得好饱。有一位短发姐姐好贴心为小朋友提供小汤匙，另外仲装左半碗忌廉汤俾佢饮，真系超级细心，呢种人情味现今已经越来越少有，十分难得。餐后姐姐仲请小朋友食一粒糖，氹到佢好开心。总括，餐厅有好贴心的服务，食物质素和分量都唔错，下次会再来。