Jack's Terrazza Ristorante

营业中

休息中

第一次去汀角路开餐，本身想试食泰国菜，但啲indoor位full晒（俾人卜左），适逢风暴前夕，坐outdoor感觉窄窄地，所以专食西餐。间餐厅好有特式，可能大家惊打风返晒屋企，所以假期前夕都系得1、2枱客，虽然伙记唔多，不过上菜既速度同show up都唔错，又无食评讲到咁差㖞！红白汤有讲清楚白汤系豆汤。我地叫左两个dinner set，本身想试烧春鸡，但老细话惊麻麻，最后就点左一份rib eye一份羊架，都系7成熟。嚟到个汤合格，老细几欣赏个豆汤，佢饮晒，跟汤个包仔有啲硬，都合格啦！沙有惊喜用料好足，系用左紫色同黄色蕃薯，再加啲哈密瓜定西瓜，夏天用瓜好牙烟呀，有变坏既风险，不过都照食啦⋯⋯份牛就真系过晒火，叫5成应该好少少，质素一般，羊架系有啲苏味，不过份量好够，烧得唔错。甜品佢俾左两款我地，预左我地share，我就一般啦。薯蓉有啲搞笑，佢个味令我念起即冲果啲，不过佢真系用薯仔整既，系实的的唔系滑身果种，都ok啦，翠玉瓜都好甜！如果夏天日头嚟应该都够凉，因为餐厅加左好多部冷风机，而且侍应都好贴心帮我地系枱底点蚊香，不过可能疫情无live band，希望下次老细日头可以带我过嚟chill