影片
更多
2021-04-12
23 浏览
餐厅位处旺中带静嘅棉登径，只系隔一条街就有远离烦嚣嘅隐世感觉。烤鳕鱼干，鳕鱼干烤得非常脆身，系比起薯片更脆𠮶只， 带住轻轻微焦嘅鱼味，再点少少沙律酱，味道一流。白饭鱼干豆腐沙律，白饭鱼干几条几条炸埋一齐，好似一个扇形嘅鱼饼咁，卖相相当精致，日式麻酱从来同新鲜嘅沙律菜、蕃茄、豆腐都系绝配。左口鱼刺身，左口鱼肉质软滑幼嫩，味道清淡鲜甜，鲜味持久悠长，蘸酸汁食，鲜味更加鲜明。鲷鱼寿司，鲷鱼系一种上等嘅食用鱼类，肉质细致嫩滑且清淡，师傅喺鲷鱼嘅表面搽上一抹日本酱油，起咗画龙点睛嘅效果。甜虾寿司，甜虾富有光泽，个子饱满胀卜，口感爽弹，好明显系用上咗新鲜货色。葱花拖罗鱼蓉军舰，拖罗鱼蓉新鲜肥美，葱花嘅味加上脆身嘅紫菜，系一个水准以上嘅军舰寿司。鹿儿岛黑豚秋葵卷，薄切嘅鹿儿岛黑豚肉烧得香口，卷埋秋葵一齐食，令罪疚感减轻不少。天妇罗盛盒，盛盒阵容鼎盛，有大虾、茄子、粟米、南瓜、番薯同埋灵芝菇，大虾新鲜弹牙，炸浆薄薄地一层， 灵芝菇天妇罗比较少地方有得食，配合清清地嘅天妇罗汁，尽显菇味。鲷鱼汤锅鲜乌冬，一上枱见到个汤底奶白色到咁样已经知道似样，先呷一口鱼汤，鱼味浓到不知得了， 鲷鱼为数不少，一梳梳嘅口感
餐厅位处旺中带静嘅棉登径，只系隔一条街就有远离烦嚣嘅隐世感觉。
烤鳕鱼干，鳕鱼干烤得非常脆身，系比起薯片更脆𠮶只， 带住轻轻微焦嘅鱼味，再点少少沙律酱，味道一流。
白饭鱼干豆腐沙律，白饭鱼干几条几条炸埋一齐，好似一个扇形嘅鱼饼咁，卖相相当精致，日式麻酱从来同新鲜嘅沙律菜、蕃茄、豆腐都系绝配。
左口鱼刺身，左口鱼肉质软滑幼嫩，味道清淡鲜甜，鲜味持久悠长，蘸酸汁食，鲜味更加鲜明。
鲷鱼寿司，鲷鱼系一种上等嘅食用鱼类，肉质细致嫩滑且清淡，师傅喺鲷鱼嘅表面搽上一抹日本酱油，起咗画龙点睛嘅效果。
甜虾寿司，甜虾富有光泽，个子饱满胀卜，口感爽弹，好明显系用上咗新鲜货色。
葱花拖罗鱼蓉军舰，拖罗鱼蓉新鲜肥美，葱花嘅味加上脆身嘅紫菜，系一个水准以上嘅军舰寿司。
鹿儿岛黑豚秋葵卷，薄切嘅鹿儿岛黑豚肉烧得香口，卷埋秋葵一齐食，令罪疚感减轻不少。
天妇罗盛盒，盛盒阵容鼎盛，有大虾、茄子、粟米、南瓜、番薯同埋灵芝菇，大虾新鲜弹牙，炸浆薄薄地一层， 灵芝菇天妇罗比较少地方有得食，配合清清地嘅天妇罗汁，尽显菇味。
鲷鱼汤锅鲜乌冬，一上枱见到个汤底奶白色到咁样已经知道似样，先呷一口鱼汤，鱼味浓到不知得了， 鲷鱼为数不少，一梳梳嘅口感加上鲜浓嘅鱼味，好快就清到见底。
张贴
