紫蝶花 (已結業)

星期日同bb去完游戏室玩，夜晚就约左妈妈食晚饭，呢到地方大都好适合一家人。泰式凤爪 $58每次食泰菜都必点，无骨凤爪酸酸辣辣好开胃，凤爪好爽口，估唔到份量都好多，食极仲有。印度尼西亚炒饭 $68炒饭都几多配料，炒得好干身，份量多。青咖哩鸡肉 $68青咖喱带有少少辣，鸡肉肉质嫩滑，唔过老，配菜有茄子青豆都几入味。油酥手抓薄饼2件 $38专登叫黎配青咖哩，薄饼好软熟，吸满咖哩汁，好正。马拉盏炒芥兰 $65芥兰爽口无渣，用马拉盏炒好惹味。椰青 $48清新鲜甜，啖啖椰肉。