慢煮工業 (已結業)

约左班旧同事食饭，其中一个话想食威灵顿牛柳，系openrice揾到呢间有得食，所以就book左呢间食饭。我地系平日夜晚7点30左右去到，场内都已经坐左好多枱客，好彩有book定位。.餐厅主打慢煮肉类嘅菜式，但都有提供海鲜、意粉、pizza、炸物小食等等。如果你无咩特别想食嘅野，可以拣餐厅set好嘅套餐，有二人/四人套餐嘅选择。我地因为有各自想食嘅野，所以就自己单点:黑松露杂菌天使面调味几香，杂菌好juicy，唔错。36小时红酒慢煮牛面肉呢个有少少失望，因为个牛面肉有少少过熟，食落去有少少柴。不过，个红酒汁调味几好，所以底下嘅红萝卜同蕃茄仔几好食，哈哈。美式摇摇海鲜盘呢个味道一般般，无咩特别。经典威灵顿牛柳 (限量发售)酥皮好食，但入面个牛柳有啲韧，好失望。芝士食肉兽薄饼呢个系咁多样野最好食嘅一个，调味做得好好，料又多，好钟意食呢种薄底pizza法式猪鞍架呢个都几好食，猪鞍架好juicy，唔错！Sangria Red (一壶)味道正常啦，一壶有6-8杯份量，都几抵。整体黎讲食物质素就一般，不过座位够阔，都几啱同一班朋友黎聚下，食下小食。