我的意大利廚房 (已結業)

Lunch time黎到湾仔呢间意大利餐厅食饭，因为我地一行9个人，所以预先book好左枱。黎到发现餐厅原来有两层，好大，所以仍然有好多位净。Lunch set价钱由$118至$278不等，我就拣左个$138餐，主菜系特色香辣鸡扒 (Chicken Devil Style)。首先上菜嘅系自家制面包，焗得外脆内软。除左橄榄油同醋之外，佢仲有下面张相右边嘅酱俾你搽。个酱几好味，酸酸地但唔会酸到食唔到，仲有啲蒜蓉味添。我嘅餐汤就系mushroom cream soup。佢好足料，有好多蘑菇亦几creamy。即使佢有重蘑菇味，但又唔太咸，值得一赞！去到食主菜喇！薯角未炸至脆身，比较淋，麻麻地，但薯角上面落左啲粗盐，几特别。沙律就冇乜salad dressing，适合健康人士。至于主菜香辣鸡扒，都算中上质素。佢个辣酱都几辣，但又未至于辣到食唔到。辣得黎咸咸地，味道好丰富，几好味。而个鸡扒就煎得几香，配搭辣酱几衬。虽然块鸡扒唔够嫩滑，但整体上都ok值得一赞嘅系佢下面呢个设备，令你吱柠檬汁唔洗整污糟只手，几贴心。去到甜品，我已经好饱喇，证明佢食物份量都几大。甜品系芒果布甸，唔太甜，亦有芒果肉，唔错。