影片
更多
2022-09-13
256 浏览
中秋节翌日假期，我地去咗太子𠮶边闲逛。喺荔枝角道发现一间装修得几骨子嘅餐厅，吸引咗我地嘅眼球。临近饭点，于是便入去帮衬一下。原来呢间餐厅新开冇几耐，走中法混合新派菜路线。甫坐低，服务员殷勤地递上两杯水和餐牌俾我地。我地睇咗一阵，发现套餐可以试多啲唔同味道同款式，所以就选咗Ａ餐同Ｘ餐。首先就系有两款精致小食，系豆豉味嘅蚬肉杯同埋炸支竹配羊肉杯。呢两款明显系中式嘢，不过就用咗法式嘅摆盘，的的式式，一啖就食落肚。味道方面较为特别，至少我地未喺第二度食过，实属餐厅自创的料理。之后就担返口「大雪卡」同埋用上一个中国式炖盅上嘅「海鲜蘑菇汤」，有别于一般西汤做法，呢个系中式汤，内里有虫草花同菇菌，少许海鲜。味道我觉得较似龙虾汤，汤够热同好饮！再嚟嘅就系两份主食，「西班牙半熟红虾饭」，一个字！「招牌卡邦尼云吞」系云吞皮内包含了一颗太阳蛋，云吞皮仲系厨师自家制，蛋味非常浓郁。跟住就嚟两份肉食，「慢煮柠檬鸡卷」用姜葱汁蘸来吃，鸡肉由于系慢煮关系，非常之嫰滑，又有清新嘅柠檬香味，令人胃口大开。另一份就系「牛扒两式」，分别系用牛面猪登同埋西冷牛扒。牛面猪登较腍滑，而西冷牛扒的牛肉味较浓，非常好食！饮饱食醉之际
原来呢间餐厅新开冇几耐，走中法混合新派菜路线。甫坐低，服务员殷勤地递上两杯水和餐牌俾我地。我地睇咗一阵，发现套餐可以试多啲唔同味道同款式，所以就选咗Ａ餐同Ｘ餐。
首先就系有两款精致小食，系豆豉味嘅蚬肉杯同埋炸支竹配羊肉杯。呢两款明显系中式嘢，不过就用咗法式嘅摆盘，的的式式，一啖就食落肚。味道方面较为特别，至少我地未喺第二度食过，实属餐厅自创的料理。
之后就担返口「大雪卡」同埋用上一个中国式炖盅上嘅「海鲜蘑菇汤」，有别于一般西汤做法，呢个系中式汤，内里有虫草花同菇菌，少许海鲜。味道我觉得较似龙虾汤，汤够热同好饮！
再嚟嘅就系两份主食，「西班牙半熟红虾饭」，一个字！「招牌卡邦尼云吞」系云吞皮内包含了一颗太阳蛋，云吞皮仲系厨师自家制，蛋味非常浓郁。
跟住就嚟两份肉食，「慢煮柠檬鸡卷」用姜葱汁蘸来吃，鸡肉由于系慢煮关系，非常之嫰滑，又有清新嘅柠檬香味，令人胃口大开。另一份就系「牛扒两式」，分别系用牛面猪登同埋西冷牛扒。牛面猪登较腍滑，而西冷牛扒的牛肉味较浓，非常好食！
饮饱食醉之际，服务员送上「咸蛋黄焦糖雪糕」为呢顿丰盛晚餐画上完美句号。
总结嚟讲，呢度有优质嘅食物质素，殷勤亲切嘅服务态度；富有情调嘅格局，好适合约会中嘅情侣过嚟感受一番。C’est la vie~~
张贴
