友義氣‧酸菜魚

营业中

休息中

夜晚约左朋友系铜锣湾食饭，两个人叫左个标准size既酸菜鱼同埋千岛酱脆虾球再加两杯野饮。试左佢个招牌酸菜鱼🐟朋友唔系好食得辣就叫左小辣。平时食开谭仔三小既我就完全觉得唔辣，食得辣嘅人可以叫中辣或者大辣。汤底唔会太油同太咸，唯一美中不足嘅就系唔系好够酸。本身除咗鱼之外配料仲有莴笋金菇薯粉，值得一赞就系薯粉够烟韧同埋鱼肉够厚同滑身。千岛酱脆虾球未食已经好香千岛酱味，咬落去仲有少少脆口。唔会过厚既粉浆加上弹牙既虾好快就比我地食晒。野饮方面，杯大柠乐黎到就知真系大柠乐，一个人系唔会饮得晒，建议可以两个人share。鲜青柠乳酸唔会太甜同埋青柠味都好出，而且同乳酸好夹，饮落好清新无负担。