神燈海鮮酒家 (18廣場)

营业中

休息中

食得西餐同日本嘢多，有时都会想食下中餐🍜早几日就同左爸妈仔仔一齐去咗神灯海鲜酒家食晚饭🥢见到好多人都点海鲜，所以我哋都点左糯米炒膏蟹同星洲麦皮虾。大大只嘅膏蟹真系有好多膏又啖啖肉😍肉质鲜味又够厚实，好新鲜。糯米饭口感够烟韧又够入味，连仔仔都话yummy😋大头虾都好大只，肉质弹牙，剥咗壳之后再沾上惹味香脆嘅麦皮，真系好香口👍🏼就咁攞嚟送饭都好正😆即烧脆皮乳猪嘅乳猪皮真系特别香脆，咬落脆卜卜，一上枱已经闻到好香嘅烧烤味👃🏻猪仔脚呢个菜式真系唔系度度有得食🤩所以我同妈咪一见到就即刻要点。果然冇令我哋失望，卤水唔会死咸啱啱好，猪仔脚肉质够林而外皮又够软，真系食唔停口🤤妈咪特登点红烧妙龄乳鸽比仔仔食。外皮炸得香脆，肉质嫩滑多汁。云耳百合炒鲜淮山清清地，所有食材口感爽脆。