樂舍 (已結業)

买开日本家私就会知道，巧明街一带可以话系集中地。 最近个个礼拜都嚟巡舖，无意中发现同一栋楼原来有餐厅，就嚟试吓。美国牛腹扒 ($168)见到人哋啲相好吸引，果然冇失望。 牛腹扒烧得啱啱好，嫩红色好有肉汁，仲有啲炭烧香味，媲美平时晚市几百蚊靓牛嘅份量同质素，性价比好高。 牛扒同香草汁好夹，薯条亦都新鲜炸起好香口，自己食晒呢个lunch set真系好满足。西班牙黑毛猪叉烧饭定食 ($128)超厚切叉烧都未够，我其实一眼睇中个饭上面放咗只蛋，捞蛋汁食一流。 叉烧估唔到真系做到烧腊舖嘅水准，半肥瘦够软腍，仲有少少窿边，唔知点解配埋个饭有少少日式嘅感觉。 欣赏个饭仲配左牛蒡渍物，如果系度返工，呢餐会系上班族短暂嘅小确幸。当日有啲冻坐唔到户外，有机会再嚟就好喇。