Opa Mediterranean Bar and Bistro (已結業)

漆咸道一向酒吧林立，呢间唔单止有酒饮，仲有好多西班牙特色美食😚。呢间之前食过午市，对佢希腊茄子特别印象深刻，特登嚟食多次晚市。晚市相对午市定价比较高，不过气氛不俗，入夜会点上小灯，又唔算嘈吵，饮酒倾偈其实都几啱。油封鸭肉意粉 （$178）意粉偏硬身，蕃茄同牛油味浓，加松子仁后几香，不过鸭肉切做细丝，味道不算突出。份量两个人share刚刚好。中东烤鸡胸 ($188)竟然系最喜出望外嘅dish! 薯条有淡淡黄姜同茴香味，所以咸香得来会带少少香料苦感。而鸡胸外层烤得颇香口，切开滑嫩到似鸡腿肉一样，几乎食唔到纤维感🫣，茴香同蛋黄酱mix埋嘅香味温和，口感滑身而轻盈，好夹鸡胸，绝对高分。