影片
更多
2024-03-13
185 浏览
好多时候我地都话要怀缅一下旧式嘅餐厅，其实讲真，说到底就系盲目跟踪大众嘅吹捧。喺未怀缅之前，又真系有几多人因为之前去过所以觉得唔舍得嘅呢。我认为与其抱住怀缅作口号，不如睇下呢啲餐厅系咪真系做到佢本来应该有质素，汰弱留强，跟住时代步伐，去不停改良经营模式，似乎比墨守成规更加好。 我钟意去重庆大厦食印度菜，因为真系好多印度人去食，同样地，就系因为真系有好多印尼人，令到我对呢度特别有信心。我冇去过佢地既旧餐厅，但系呢一间新开既，令我印象深刻。 🍖黑白多士夹住咖央多，外表好靓，所以我当然要攞起手机影，店员过左一阵就提示，要趁热先好食。果然就系因为热度，将里面嘅牛油溶化，配合埋咖央酱，我拣嘅前菜拣得真系好。hehe 🍖东南亚嘅菜式，用上椰浆去处理食材喺非常普遍嘅事，但系一般会用来做酱汁，所以会配上饭面。我见佢餐牌上特别写明哩个系一个laksa汤，咁就变得有意思，即系佢变成主角， 唔再系配料，咁我就要更加认真去看待佢。果然，因为佢用左好多海鲜，所以汤底真系特别鲜甜，而呢个汤底，又调番转带返出海鲜嘅鲜味。不得不提嘅系上面嘅芽菜，都因为哩个汤底，变得非常好味。哩度又见到另外一个细心位，佢嘅大虾应该系用
我钟意去重庆大厦食印度菜，因为真系好多印度人去食，同样地，就系因为真系有好多印尼人，令到我对呢度特别有信心。我冇去过佢地既旧餐厅，但系呢一间新开既，令我印象深刻。
🍖黑白多士夹住咖央多，外表好靓，所以我当然要攞起手机影，店员过左一阵就提示，要趁热先好食。果然就系因为热度，将里面嘅牛油溶化，配合埋咖央酱，我拣嘅前菜拣得真系好。hehe
🍖东南亚嘅菜式，用上椰浆去处理食材喺非常普遍嘅事，但系一般会用来做酱汁，所以会配上饭面。我见佢餐牌上特别写明哩个系一个laksa汤，咁就变得有意思，即系佢变成主角， 唔再系配料，咁我就要更加认真去看待佢。果然，因为佢用左好多海鲜，所以汤底真系特别鲜甜，而呢个汤底，又调番转带返出海鲜嘅鲜味。不得不提嘅系上面嘅芽菜，都因为哩个汤底，变得非常好味。哩度又见到另外一个细心位，佢嘅大虾应该系用左天使虎虾，因为大只，通常都有条好长既肠，佢地帮客人预先起左，食嘅时候非常方便。
🍖最后系甜品，芒果珍多雪糕冰，软绵绵嘅沙冰加上QQ既珍多，同埋糖渍咗嘅芒果，仲要大大个既椰子雪糕，口感丰富有多层次。
🍺饮品叫做清.岛风，随便播放著一啲热带风情嘅轻音乐，虽然呢几日喺有啲冻，但系饮住黎一杯用左好几种清新材料做嘅梳打，仍然系觉得身心放松。
✨️因为佢地系楼上铺，价格定位都唔需要太进取，简单装修又配合咗老餐厅带过黎既旧装饰。我又系网上睇到一啲报导，佢哋用家庭式经营，其中包括真系家庭成员，同埋非家庭成员，但系亲如家人嘅员工，上下一心嘅经营就可以做到心无旁骛提供做到最好嘅食物。我嘅亲身感受系，佢哋唔会好亲切咁样服务你，但系你会从佢地嘅细节位，感受到佢地既诚意。呢种低调但诚恳，我觉得就系佢地可以延续薪火相传既重点。
张贴
