影片
更多
2014-02-28
1042 浏览
呢次系我第一次写食评, 就用呢间餐开始啦~~因为情人节同女朋友都无假放, 就将我地既情人节celebration安排系之后既星期日经朋友介绍去咗一间食西厅既私房菜, 去到铜锣湾都仲花咗10几钟去揾间餐厅, 最后都系要店员帮忙先揾到, 建议去呢间餐厅食饭既朋友打个电话比店员问清楚好D, 唔使浪费时间上到去, 一入门口见到有好多oyster, 但我系唔食既, 所以无点理会, 钟意食oyster既朋友, 应该可以试下......一坐低, 店员马上攞咗碟饱比我地, 配个茄子酱, 第一次食茄子酱, 觉得几特别, 但我本身唔食茄子所以食少少, 都系点返黑醋oliver oil, 但女朋友就话好好食~头盘我点咗个水牛芝士, 女朋友点咗个带子睇menu话蕃茄清汤配水牛芝士, 个菜黎到唔见个蕃茄清汤, 经店员介绍后先知, 个厨师专登将D蕃茄清汤雪成啫喱咁, 冻冻地加上清新既水牛芝士, 真系几开胃而女朋友点既带子呢, 带子本身好鲜甜仲配个几特别既芥辣泡沫, 令到带子同个沙律都有芥辣味之余又唔刺鼻之后到汤, 我就点咗个冻汤, 女朋友就点咗个蟹肉忌廉汤个冻汤, 系由牛油果同哈密瓜整成, 我觉得甜甜地, 又清新
因为情人节同女朋友都无假放, 就将我地既情人节celebration安排系之后既星期日
经朋友介绍去咗一间食西厅既私房菜, 去到铜锣湾都仲花咗10几钟去揾间餐厅, 最后都系要店员帮忙先揾到, 建议去呢间餐厅食饭既朋友打个电话比店员问清楚好D, 唔使浪费时间
上到去, 一入门口见到有好多oyster, 但我系唔食既, 所以无点理会, 钟意食oyster既朋友, 应该可以试下......
一坐低, 店员马上攞咗碟饱比我地, 配个茄子酱, 第一次食茄子酱, 觉得几特别, 但我本身唔食茄子所以食少少, 都系点返黑醋oliver oil, 但女朋友就话好好食~
头盘我点咗个水牛芝士, 女朋友点咗个带子
睇menu话蕃茄清汤配水牛芝士, 个菜黎到唔见个蕃茄清汤, 经店员介绍后先知, 个厨师专登将D蕃茄清汤雪成啫喱咁, 冻冻地加上清新既水牛芝士, 真系几开胃
而女朋友点既带子呢, 带子本身好鲜甜仲配个几特别既芥辣泡沫, 令到带子同个沙律都有芥辣味之余又唔刺鼻
之后到汤, 我就点咗个冻汤, 女朋友就点咗个蟹肉忌廉汤个冻汤, 系由牛油果同哈密瓜整成, 我觉得甜甜地, 又清新, 连埋面头块好鬼脆既parma ham一齐食, 正!
女朋友个蟹肉忌廉汤我都试咗几啖, 都好好饮, 好有蟹肉味.......但挂住食, 唔记得影相T_T.....
之后到entree, 我地两个都唔食鹅肝, 因为制作鹅肝实在太残忍啦.............我地点咗两个杂菌意大利饭,个饭真系做到意大利既正宗口感, 外软内硬, 个忌廉汁仲要系浓而不腻, 味道恰到好处~~~^V^
食完个雪芭之后就到主菜, 我好钟意食牛, 所以一定点和牛, 女朋友就点咗个银雪鱼, 女朋友既银雪鱼先整好, 味道好好, 鱼既表面煎到脆脆地, 但里面既肉依然好滑, 配个墨汁意粉, 作为主菜份量都足够, 但好可惜, 我地又唔记得影相...........而我个和牛呢就唔需要多讲, 我个人认为点整都会好食, 因为有时我都会买返屋企自己煎黎食, 但要提既系, 佢除咗有个烧汁之外, 仲配个好特别既喜马拉亚山玫瑰盐, 又系第一次见, 个店员教我将块牛放系D玫瑰盐上面印一印再食, 系有小小咸, 但都系配个烧汁正D, 但个份量就细咗D~~
到最后既甜品, 男士同女士系唔同既, 男既就黑朱古力, 女就白朱古力, 个人觉得几有心思, 抵赞. 我个甜品就几好食, 淋咗小小酒上去, 苦苦地, 我几钟意, 因为我本身唔太钟意食甜野......女朋友个白朱古力, 我咗一啖, 真系好甜, 我谂女士们应该会钟意, 因为个白朱古力仲充满咗好香既玫瑰味, 而成餐饭最最最特别就系个白朱古力既伴碟系有玫瑰味既烟, 直接睇相可能会易明D
总括而言, 成餐饭我就觉得好好食, 女朋友都一样!!!!
题外话/补充资料：
至于环境方面我就唔太讲究, 不过间餐厅都几宽敞, 几舒服咁啰, 唯一有样唔好, 就系个洗手间门太重, 女朋友去两次, 两次都要我帮手开门, 希望呢间餐厅可以改善好呢个问题啦~~
(以上食记乃用户个人意见 , 并不代表OpenRice之观点。)
张贴
