茶舍 (北帝街)

营业中

休息中

平时选择茶餐厅食饭都系因为平靓正，仲要够快同方便，食物嘅选择可能来来去去都系常餐，快餐。今次呢间茶餐厅餐牌选择却多多，唔似食开嘅茶记㖞。餐牌编辑精美，食物图片张张都好吸引，见到好多款美食都流晒口水，样样都想试，最后好困难咁拣几款食物。脆炸软壳蟹芥末酱吐司，同餐牌图片一样咁靓，打咭满分，软壳蟹份量都几大，吐司炸得色靓，两者都香脆可口。中间嘅芥末酱成功抢分，微辣嘅味道，配合生菜，蕃茄，整个吐司口感味道大增，yummy.一口炸鸡，炸鸡嘅size啱啱好，一啖一口，热辣辣，脆卜卜，鸡肉jucy，唔会炸得太干身，最估唔到嘅系一大碗芝士酱，瞬间变成芝士炸鸡，好有趣啊。蛋黄烟肉卡邦尼长通粉，长通粉偏稔身，酱汁较稀，但胜在烟肉，磨菇够哂多，仲有意粉配料上比较少见嘅芫茜，真系估佢唔到呀。再点多两杯饮品：水果茶，咸柠七。真系饱到非常满足。