九份•十分 (T Town ) (已結業)

依间食台湾菜嘅餐厅好味到令我再黎食多次。今次都有叫到醉小三($148)，酒香浓烈。最中意佢嘅鸭舌，愈嚼愈惹味。鲍鱼一样都系咁饱满爽口。而醉虾非常鲜美，仲好贴心咁剥走咗虾头。古早醉鸽($88)，烧乳鸽就食得多，所以好好奇醉鸽会系咩味道。估唔到有食到乳鸽肉嘅鲜甜，仲带有淡淡酒香味，而且骨肉比例均等，如果有啤酒就一流~盐酥鸡扒面(62)，鸡扒金黄色，香脆嫩滑。面可以拣粗或幼，清汤上，一啲都唔油腻。老妈煎饺子($36/5只)，皮身煎得非常之脆，而入面嘅菜肉热腾腾，食得出系即叫即煎！叫咗2杯饮品。红心皇后($58)即系草莓沙冰，非常非常非常大杯，沙冰堆满到过杯顶，卖相唔错，酸酸甜甜好开胃。紫薯珍珠($28)，难得见到紫薯味紧系要试番杯，中意佢紫薯味唔重，唔会太腻，而且珍珠好烟韧。最后仲有甜品白玉珍珠双色冰淇淋松饼($58)，俾佢嘅卖相吸引住，窝夫非常松脆，雪糕系云呢拿同香芋，周边都配有草莓、奇异果、珍珠同埋丸子，虽然cream有啲多，但系味道唔重。