炎鳥羽

营业中

休息中

想食日式串烧多数系因为贪心想食多几款野，又唔想太饱。见到呢间新开店铺，早一晚喺openrice订枱，即刻有人打来confirm，同埋温馨提示订座折扣要8点前埋单先有。不过最后我地要7点先去到，都系用唔到个折扣…食物方面选择好多，重有Omakase set。不过当日唔太饿，所以就叫左2杯梅酒，乌冬，同埋串烧share，包括：露笋猪肉卷、荔枝豚肉卷、秋葵豚肉卷、牛舌厚切、牛肋骨、鸡肉棒、鸡肾、 鳗鱼。美中不足系想试既限定牛舌芯厚切，同埋去亲串烧我都会叫既大葱鸡肉都冇晒…讲下几款最印象深刻既串烧。鳗鱼满满蒲烧汁，个皮烤得刚刚好脆，但鱼肉重系好嫩，连怕细骨既朋友都话好味！鸡肉棒有咬口，感觉唔系加左蔬菜，而系全鸡肉，加上生鸡蛋拌匀做酱，又多左一重texture。荔枝豚肉喺第二度比较少见，食落好清新，唔会因为豚肉太腻。除左荔枝豚肉，重有牛肋骨（右）我地都encore左。牛肋骨加埋烧汁十分野味，串烧方式重锁住晒牛肉汁，食左两串都重想encore。