界日本料理 (已結業)

大围区食到闷闷地，星期六中午得闲所以去左发掘新野，呢间餐厅离火车站远啲，但有价钱合理既午市套餐，餐牌仲有好多选择，拉面乌冬，饭餐，刺身餐都有！仲要唔驶加一！我今次就拣左寿喜烧，个锅有生蛋，牛肉，豆腐同菜。个蛋我整散左佢，用汤既热力令佢变到半生熟，啲𩠌真系几多，食哂个锅既野己经饱，饭只系食到三分一，下次可以叫少饭。汤系普通面豉汤，味道正正常常，可以加钱转蚬汤，不过我冇转到，另外仲有个热辣辣几滑既蒸蛋～下次会再黎食！