滿屋定食

营业中

休息中

呢间餐厅虽然叫满屋定食，未嚟过嘅朋友一定以为系日式餐厅，其实呢度除咗有日式丼饭之外，亦都有唔同嘅泰式船面小食俾你选择。呢度嘅餐牌食物种类非常之丰富，如果选择定食嘅话更加有唔同嘅配搭选择。有选择困难症嘅朋友一定系呢度非常之烦恼。串烧牛肉大大串有两串，即叫即烧，酱汁非常入味， $30都唔使真系非常抵食。个烧牛肉串咁好食，忍唔住点多个猪颈肉串烧拼盘，同埋鸡全翼，有齐晒猪，鸡同埋牛串，啱晒同朋友一齐share。主食方面当日就点咗一个海南鸡饭配猪肉肉碎船面，海南鸡非常嫩滑，配上蒜蓉酱汁，非常之好味。船面嘅汤非常地道， 仲有可以加配唔同嘅小食，唔想食煎炸嘢都可以选择灼菜，非常好嘅配搭。另一个主食朋友就点咗虾汤海鲜金边粉，虾汤咸香，海鲜份量种类非常之多。配上唔同嘅泰式小食，呢度就真系好似一间泰式餐厅一样咁丰富。小食点多个炸鲜奶，炸鲜奶甜甜地，当做甜品真系一流。龙眼冰有唔少龙眼肉，味道非常之清甜，但唔会过甜。朋友点咗杯斑斓椰浆特饮，上到枱见到啲颜色真系非常之靓，椰浆嘅味道非常丰富。夏天嚟到点返杯特饮真系非常之解渴。