萬花紅火鍋酒家 (已結業)

原本谂住同外国人朋友去SOHO食西餐，点知佢话想食chinese food, 突然间都唔知边到有，咁我地边倾边行边揾就揾到呢间，之前我都唔知中环会有间咁地道嘅菜馆，地方细细，好似一间开咗好耐嘅老铺。冻冻地，最好食羊腩㷛，点知个羊腩㷛系我食过嘅最差，无羊味又肥，份量只得十件左右，D腐竹同冬菇'梅梅地'，个汁好似水咁淡，毫无水准，附送嘅生菜又唔知点解会水煮过，咁就卖$158，另外仲叫咗碟上汤肉碎浸波菜$68，都系偏淡味，但外国人朋友就食得好滋味，我只系食几口，唯一吸引就系隔离枱叫咗一笼马拉糕，唔系酒楼食小点果D size，而系成个巴士呔盘咁大个。