G Place

营业中

休息中

朋友介绍咗一间隐世私房菜，呢间铺净系做booking唔做walk in。门口摆咗几张木枱櫈，有d远离尘嚣嘅感觉。入面唔系好大，得3张枱，净系得一张枱摆咗碟同餐具，今晚应该我哋包场😂首先第一样就系冻嘅前菜，呢个沙律系用非洲嘅小米再捞埋d青椒红椒茄子粒，红椒有少少辣味，可以醒一醒胃跟住就系龙虾汤，呢个汤，一上枱就闻到好香浓嘅龙虾味，厨师就话佢哋冇乜点样调味，主样靠龙虾嘅味道食完前菜，饮完汤就到pasta。因为系用鲜菇嘅原因，个菇味好浓好出，个通粉偏硬身，食落有口感。最后到个猪鞍，厨师话佢哋会将块猪鞍先放入雪柜风干，等块猪鞍冇咁多水，之后再用樱桃木烟熏。呢只猪系食浆果大，唔会煎到全熟，中间会有少少粉红色。食落口食到淡淡嘅烟熏味，唔会太浓，肉质都好嫩口，边位煎到好香脆。