三少爺 (已結業)

餐厅细细，但得一位女侍应。呢位女侍应好细心，问你黎过食未，本人未黎过啦。咁佢就介绍左佢地啲招牌菜，虾汤面（讲明系用左7斤虾去煲呢个汤底），到个面上嘅时候，又好惊你会误会系好辣，因为佢地仲用左虾膏油去煮。我就叫左一碗叫"三少爷虾汤面" 份量十足，本人都叫大食，原先仲想叫多个小食，点知佢仲同我讲，所有叫面餐嘅客人都会再送一份小食。十分有心思，希望佢地可以保持呢份心思！小食系送左瑞士汁鸡中翼，虽然得一只但都足够表示佢地嘅用心同诚意，鸡翼好入味同好滑！最后跟餐有嘢饮送，但只系得汽水、纸包饮品同枝装水。系美中不足左少少，不过我就加钱叫左佢地今日嘅特饮，木瓜煲雪耳十分滋润，唔太甜好有屋企自己煲嘅感觉。总括黎讲系可以再黎食过，唔食虾嘅朋友唔洗担心。因为佢地都有一般好大路嘅越南粉面同饭类！