和家

营业中

休息中

记得我有一个post系介绍一间系铜锣湾、还原日本居酒屋嘅餐厅，但唔记得咗个名😂😂。经过我明查暗访之后，终于都知道个名了，一于食多次啦。关东煮都系我嘅最爱，萝卜超大旧超淋超入味😃😃鲣鱼汤底味到恰到好处。椰菜卷又淋又入味，啲菜一幅幅比人一种好乖巧嘅感觉😍😍。呢间餐厅嘅名物应该系不思议豆腐。佢嘅本体系炸豆腐，但系口感唔净止淋，仲有少少好似加咗粉咁少少烟韧，但又唔至于好烟韧，仲带少少芝士香。呢个野嘅质感真系不可思议🤣🤣，好微妙，仲有啲明太子衬起个味。极度怀疑呢间野由黄豆整豆腐个一刻就开始自己做埋，唔系系出面买豆腐整的，好有诚意。串烧嘅肉高质，好香油脂味，有得拣盐烧/汁烧。我拣哂盐，个味岩岩好，好香口惹味。仲可以加蛋黄用嚟点，佢个蛋黄系橙色好重蛋黄味。不过如果唔系叫好多串，点唔哂可能会浪费咗，靓野嚟😉😉。高汤杂炊味道刚好，唔会太浓，饭质唔黏唔硬，有个木勺比我都几正😉😉。烧鲭鱼皮脆肉嫩，焦香得嚟有好大阵油脂香，好比出面啲烧三文鱼咁香油脂味。章鱼烧都好正，唔会太粉，好香，酱又唔会太盖过丸子本身嘅味。