Terrace in seaside (海運大廈)

营业中

休息中

呢間韓國過江龍最近係海港城開左分店，假日午市時段都幾多人排隊，加上門口招牌好靚，吸引唔少人打卡。柑橘乳酪選用濟洲島柑橘飲落啖啖香甜清新，見到每枱都有叫，賣相非常吸引打卡一流。濟州柑橘炸雞無骨半份份量都幾多，雞係即炸新鮮熱辣，柑橘果香清新酸甜可以中和炸雞本身的膩感，雞肉軟嫩，甜甜酸酸好開胃。燉牛肋骨蛋包飯職員會幫你切開個蛋，裏面包住茄汁炒飯，半熟蛋非常嫩滑，牛肋骨味道就有少少似牛腩。傳統紫菜包飯感覺還原韓國風味。水果忌廉三文治麵包非常鬆軟，餡料用上時令韓國水果，包括士多啤梨、無花果同柑橘，加上忌廉滑順濃郁，有驚喜！士多啤梨提拉米蘇蛋糕第一食呢個配搭，Tiramisu用透明盒子盛載賣相精美，加上士多啤梨，簡直係多重滋味。