半島酒店大堂茶座

营业中

休息中

难得屋企人话约食tea，仲要食半岛，就当然即刻应成啦😍。当日2点半就已经到左，但都要等左15分钟先坐得低，坐低左一阵就开始见到多左人排队，认真咁讲，食tea一般都会倾计慢慢食，仲要都几多外国人饮酒慢慢叹，睇怕都要等番啲啲时间。环境就咁入去睇落都好grand嘅，楼底好高装修好靓，但因为餐厅就系半岛大堂，多人出出入入，加埋个live band，相对黎讲就有啲嘈......☹️坐低无耐我地就叫左下午茶三层架食，因为都食左午餐，我地4个人决定叫个2人set就够哂，再加左两杯野饮🤭。话咁快就上左个靓靓三层架，就咁望其实唔算好精致，咸点都系三文治同火腿咁，比较之下甜品就算系出色啲，讲到最好味我觉得一定系个scone,好香同好松软，牛油味都好香，而且个cream都好滑🤤🤤🤤最后食到咁上下就上野饮，我地分别叫左earl grey tea同埋热咖啡，啲茶好滑好香，一啲都唔涩。咖啡味道都唔错，唯一失色嘅系跟咖啡上啲奶系冻嘅，一勘落去就成杯冻左，即刻失色左。整体黎讲，我觉得都系值得一试嘅，但如果问到我系咁特别推荐大家试嘅话，我都觉得一般般啦。