天外天

都算几好，食左两粒；留胃口。两样都几好，80分？但唔会哗一声（100分）个种好。但挞皮对我黎讲太甜，只食左一小角；鲍鱼系淋既。烧卖唔得，好大猪油味，食落都好油，无食晒素饺普普通通，仲谂住唔叫餐，散叫点心，其中一样想叫佢。好彩无咁做😬蟹肉都系食唔到鲜甜，入面有啲一旧旧既蟹肉唔知捞埋啲咩，好散收收既食落。其实唔明点解会无鲜味，系街市是但买啲海蟹蒸熟拆肉都鲜味架。陈醋珠唔够味，单独食一粒珠爆开几得意。第二旧食上半件都唔系好感受到啲陈醋。老火汤，屋企煲个种，无话特别浓甜。蒸斑件，好滑好够热。炒牛肉饭都好高水准，够镬气，但再少油啲干身啲仲正。合桃露，劲劲劲甜。食左一啖就算饭食三啖都系废事太顶肚，叫人同合桃酥都打包。佢剩系包左个饭，掉左合桃酥，好浪费。佢重新拎一份俾我，装几倍咁多。我都系想拎十粒左右返去食下。太多，放太耐我都会掉😂😂😂 主服务个位好好，但其他人上菜，会速度劲快放底野，讲𩠌名又赶住咁，你唔会听到佢讲咩：呢个系luurlur......lur完即走。几次都系咁 笑左😅