影片
更多
2014-01-09
2246 浏览
一直都想试呢间大排档, 就拣左呢晚同屋企人黎开饭.当晚好冻, 二话不说就叫左一锅鸡粥暖下肚, take完order好快就上枱, 叫左大size, 份量都几多, 粥煲得好棉, 鸡够滑, 唔会有鸡既腥味, 食完即系暖哂, 冬天食感觉宁舍有风味!食完粥紧系黎个豉油王炒面啦, 都算有获气, 几干身, 面有少少㶶, 但反而脆脆地, 几香口.仲有招牌菜, 红烧乳鸽, 好大只多肉, 本来以为咁大只会偏"鞋" ,但绝对无呢个问题, 做到皮脆肉嫩既效果.豉椒炒鹅肠, 味道其实唔错, 但炒得太湿同唔够获气, 而且鹅肠太少, 麻麻地., 避风塘炒虾, 本应系一度好惹味既菜, 但虾唔够金黄唔够脆, 就算有一大堆炸蒜都变得失色唔少.西兰花炒斑块, 斑块食到雪藏味, 掩盖得唔够好.时菜炒肉片, 好够获气, 但油左少少.呢度两款招牌菜确系做得唔错, 但其他小菜水准却一般, 住o系附近为佢既招牌菜再黎无妨, 但山长水远的话一次就够.
当晚好冻, 二话不说就叫左一锅鸡粥暖下肚, take完order好快就上枱,
叫左大size, 份量都几多, 粥煲得好棉, 鸡够滑, 唔会有鸡既腥味, 食完即系暖哂,
冬天食感觉宁舍有风味!
食完粥紧系黎个豉油王炒面啦, 都算有获气, 几干身, 面有少少㶶, 但反而脆脆地,
几香口.
仲有招牌菜, 红烧乳鸽, 好大只多肉, 本来以为咁大只会偏"鞋" ,
但绝对无呢个问题, 做到皮脆肉嫩既效果.
豉椒炒鹅肠, 味道其实唔错, 但炒得太湿同唔够获气, 而且鹅肠太少, 麻麻地.,
避风塘炒虾, 本应系一度好惹味既菜, 但虾唔够金黄唔够脆,
就算有一大堆炸蒜都变得失色唔少.
西兰花炒斑块, 斑块食到雪藏味, 掩盖得唔够好.
时菜炒肉片, 好够获气, 但油左少少.
呢度两款招牌菜确系做得唔错, 但其他小菜水准却一般,
住o系附近为佢既招牌菜再黎无妨, 但山长水远的话一次就够.
张贴
