蘇媽.蘇媽馬來西亞茶餐室

营业中

休息中

同屋企人去旺角行街，所以揾下有咩好野食，见到呢间食马来西亚野，又几特别，而且好评都多，一于去试下。11点半左右去食，刚开门冇耐，冇咩人，唔洗排队，即入，门面比人一种高级感，里面都好大同好阔落，用QR code落单，叫左一字排肉骨茶、椰香咖央多士、串烧（6串）、老鼠粉、拉茶（热、冻各一）…肉骨茶嘅一字排骨一般，有啲柴口，而且唔够入味，冇咩特别，但提供既肉骨茶觉得几好饮，好有药材味，唔会太咸，仲可以无限添饮咖央多士系最爱，个包好脆好香，加埋个酱真系无得顶，我地食过返寻味，又再叫多一份！老鼠粉都香口既，但感觉就系炒银针粉，冇咩太特别，而且个底黐底黐得好紧要。串烧就系平时食既普普通通，不过不失既味道，而拉茶个茶味唔够，奶味又唔够，后悔冇要求多奶，成杯野觉得一般般，可能马来西亚既拉茶唔啱我口味啦。成间野冇大部分食评上讲得咁正，只有最推介个咖央多士，其他都冇想像中咁好。不过上菜速度好快，服务亦唔错，环境我都钟意。有机会都会再试。