德記潮州菜館

营业中

休息中

西环德记一向都有好多人排队，应该几好食，于是去试吓。都系几典型嘅潮州菜式，潮州菜里面当然唔少得蚝仔粥同胡椒猪肚汤，两样都整得几好味，猪肚唔臭，胡椒唔会太辣，个汤亦唔系死咸。卤水鹅都系好食嘅，份量唔多，都预咗佢会用炸豆腐垫底，不过啲炸豆腐都几好食。个侍应提议我哋食𠮶个炸虾球同墨鱼丸就伏咗，唔知点解加咗好多马蹄粒，可能我真系唔系好熟悉潮州菜，感觉好怪，结果我哋食剩好多。全晚我觉得叫得最正确嘅系杯咸柠七，当然因为啲食物比较咸，所以想饮汽水，不过佢嘅咸柠檬又整得几好味。整体来讲基本嘅招牌菜都做得几好嘅。少少贵啦。