韓Cook (已結業)

礼拜五晚想食韩国野。唔算肚饿，又唔想热气，又唔想排队，见到呢间刚好有位就决定一试。坐落唔算阔落，一张六人台，隔离三个，我地两个，中间无隔开。我地叫左一个烤杂肉，一个炸酱面，同一个泡菜豚肉饭。好快就上左3小碟：泡菜，茄子，大豆芽。不过见到隔离台有薯仔粒又想食薯仔粒...烤杂肉都好香，好惹味，有d洋葱系底所以唔会好油。炸酱面一上台时卖相就一般，同埋好似好细碗咁，不过食落又刚好。泡菜豚肉饭就一般般，稍微有少少咸。最后埋单300蚊有找，临走时见到韩式猪手卖相唔错，下次会试下。