越蘆越南牛肉粉

营业中

休息中

嗌咗个牛丸生牛肉汤河， 啲牛肉好新鲜啲生牛肉亦都砌得好薄， 个份量就叫中等， 唔会太多， 但系个汤落嘅香料亦都好惹味好醒胃， 夏天食特别开心， 之后我哋都嗌咗一个扎肉捞檬， 但呢个捞檬嘅份量真系超级超级大， 我同个friend都系女仔所以食唔晒， 但如果你系本身可以食好多，比较食量大嘅人， 或者你好肚饿， 可以考虑 捞檬。 𠮶啲越南扎肉好爽口弹牙， 入面啲料都唔差， 个饮品嗌咗个梳打青柠， 唯一美中不足嘅就系个梳打太多气， 一直饮条脷都好辣， 啲泡泡系咁出呢啲气太多， 饮得有少少唔舒服。