祺森冰室

营业中

休息中

之前去咁啱撞正佢例休，第2次终于都食到佢嘅名物”虾多士”!!今次都系平日入去，完全唔洗等，就可以直入。如果假日的话，听闻都要等半个钟或以上。口感炸粉刚刚好，不多不少，唔会食完觉得好油腻。少失望位，啲虾嘅份量有啲少，同埋虾唔太弹牙，冇咩口感，可能系就咁原粒虾，唔系打成虾胶去炸，所以导致口感有啲欠奉。份量$42黎讲，份量比起出面嘅餐厅偏向少。不过一场入到坪洲又唔洗点排队的话，都不妨一试。我同朋友除左食虾多士，都另外叫左其他普通茶记食物 eg 茶走，茶走就真系超水准，好少有分开2层嘅茶走，可惜我唔记得左影仲系两层嘅茶走，不过茶走真系值得一试。