東京和食SUN (已結業)

又有老友生日，俾佢五拣一，最后决定呢间。记得旧年食过一次，服务同食物各方面都唔错，所以没有异议。芒果彩虹卷-因为芒果太抢，只食到芒果香味。牛油果软壳蟹卷-软壳蟹真的太少，一口咬下去，唔觉有软壳蟹存在。烧汁鹅肝法包-今次比上次好，唔会过熟，而且又冇根。油甘鱼、甜虾及赤贝刺身-油甘鱼是劲厚切，但系一d都唔觉得好肥美、甜虾亦不觉好新甜、赤贝是原只上，算不错。芝士蟹肉波菜王子-份量好细好细，所谓的蟹肉鲜味欠奉，我觉得似日式蟹柳。猪颈肉沙律-唔错唔错，猪颈肉又嫩又爽；杂菜沙律酸酸地几醒胃。铁板牛舌-虽然切得好薄，但劲韧。米纸三文鱼卷-这个是后加的，上次食觉得几好食，今次食觉得完全冇味，可能食了以上浓味食物关系。天妇罗乌冬-乌冬好弹牙烟韧，汤亦唔错。杂菌蚝仔釜饭-这个我几欣赏，虽然蚝仔唔多，但饭是珍珠米，粒粒通透烟韧，仲有少少饭蕉、几香口。最后当然唔少得就系红豆雪榚啦，一样咁好食。