常滿百家菜

营业中

休息中

依家出街食饭太多选择，成日都心大心细咁谂究竟食乜嘢好。早排上网睇到有间酒楼，系晚市提供火锅点心任饮任食套餐，每位都只系$158。所以即刻都同朋友嚟一次过满足晒两个愿望🤤今期除咗佢哋平时嘅火锅汤底以外，仲有椰子炖鸡汤窝底。店家建议我哋先饮咗汤之后再打边炉，鸡汤饮落清甜椰味十足，仲有唔少鸡肉系里面。除咗一般火锅配料以外，仲有猪脚姜、炸鸡翼、鸡软骨、咖喱鱼蛋同其他冷盘前菜等等点心方面全部即叫即蒸，大约等10至15分钟左右不等。个人觉得虾饺同烧卖呢两样王牌必点，两款点心Size都相当大粒，店家完全唔吝啬材料。