家嫂

营业中

休息中

之前好想帮衬呢间既打边炉，但实在太过难订枱，仲未有机会试。见原来呢到有午餐供应，所以星期六过嚟试。系柴湾地铁站行过去约5分钟路程，都易揾。一入餐厅见到厅面十分阔落，当日约1:30到，不需要等位。餐牌有4款指定粉面拣，亦都可以自选粉面，但有选择困难症既我地梗系叫指定粉面。我叫咗有鲜鱼蛋、花胶件同炸鸡翼米线，汤底都有5款拣，包括家嫂酸汤、芫茜皮蛋汤、喇沙、蕃茄浓汤同虾汤，我拣咗推介既虾汤。男友就叫咗雪花牛肉、松露墨鱼丸同炸鸡翼乌冬，酸汤底。至于跟餐可以用$10叫佢地既果茶，十分抵，我地叫咗鲜橙柠檬特饮同金罗汉果山楂茶。粉面一上枱，满满既配料，汤底好香。虾汤味浓，鸡翼亦都系啱啱炸起，正！鱼蛋同花胶片都属正常。至于男友个碗粉面既酸汤酸带微辣，好醒胃！而2杯饮品都算大杯，鲜橙柠檬特饮有鲜橙同柠檬片，甜度啱啱好，好清新。另外𠮶杯山楂味重，饮唔到罗汉果味，仲有d类似果肉既野，都不错。原来除咗粉面，仲有其他饭类，如鱼生饭选择。整体呢间午餐不错，唔驶加一，期待下次打边炉！Btw, 午餐好似系去到4点。