影片
更多
2013-09-03
959 浏览
朋友生日提议试这间, 但睇食评知道这间大多是露天位, 而近来天气不稳时常落雨, 都预备定多一间做后备. 感恩这晚天气至是落咗一阵大大雨, 而饭店已做好准备放下帆布遮挡, 只是靠边既朋友背后有雨水从帆布缷下来...在又迫又无冷气既环境中加了凉快感 ^o^ 而我哋坐近走廊位既就成晚闪来闪去食饭, 因为每枱好迫, 走廊位好窄, 侍应好勤力地不停拿著一大盆热粥, 热𩠌在好"洗"既走廊上冲来冲去, 又要夸过食客既头顶及背部, 过完一枱又一枱先可以安全将𩠌送到每枱, 我哋坐近走廊就成日要闪避佢个盆, 十分惊险. 不过大排档feel既食店有这情况都不足为奇. >_<~开饭啦!! 我哋7个美女(^^)order了煎蚝饼, 炸花枝丸, 卥水鹅肠, 盐焗乌头, 金不换炒蚬, 方鱼肉碎粥, 炒油 麦菜, 冰镇菠萝. 蚝饼 - 好大块好脆, 但不是啖啖蚝, 而蚝都不是太大只. 如喜欢啖啖蚝既朋友, 我提议你哋可以试太子既陵发, 啖啖蚝又大只. 炸花枝丸 - 好大个, 几弹牙, 有啲似泰式炸虾丸. 方鱼肉碎粥 - 好大锅, 好多料, 方鱼炸得好香, good! 盐焗乌头 - 真系用大笼
开饭啦!! 我哋7个美女(^^)order了煎蚝饼, 炸花枝丸, 卥水鹅肠, 盐焗乌头, 金不换炒蚬, 方鱼肉碎粥, 炒油 麦菜, 冰镇菠萝.
蚝饼 - 好大块好脆, 但不是啖啖蚝, 而蚝都不是太大只. 如喜欢啖啖蚝既朋友, 我提议你哋可以试太子既陵发, 啖啖蚝又大只.
炸花枝丸 - 好大个, 几弹牙, 有啲似泰式炸虾丸.
方鱼肉碎粥 - 好大锅, 好多料, 方鱼炸得好香, good!
盐焗乌头 - 真系用大笼将盐埋住乌头来焗, 好够味肉质实实地, 鱼尾仲挂住个牌写住"杨氏元朗乌头, 食出乌头真正味道", 原来系本地生产, 话明俾你知系正货. 但本人对鱼唔多认识, 所以都唔知系咪真系咁正.
金不换炒蚬 - 好泰式, 胜在够惹味啲蚬又无沙只只都有肉.
冰填菠萝 - 全场大家最踊跃既菜式, 原个菠萝切件镇在冰上, 简单原始就咁上碟, 原始到无起钉无切芯不经任何调味烹调成为 $68. 但街市买个都系十几蚊咋㖞........但冰镇时间始终唔长, 所以面既系唔冻, 但食完咁多热气嘢食件凉凉地既菠萝当清热.
题外话/补充资料：
在大围咁难揾食既地方有这间都唔错又唔太贵既打冷已经系好好啦, 如坐在室内冷气房会食得舒服啲同安全啲.
(以上食记乃用户个人意见 , 并不代表OpenRice之观点。)
张贴
