On The Hill Coffee Bar (寶暉大廈) (已結業)

有日一早喺天光道学完电单车，落堂谂住搭巴士返屋企嘅时候，经过见到有间新开嘅coffee shop，门面睇落已经觉得好靓，入面嘅装修偏日本风，简约舒适，但又有不少嘅细致位，好奇之下就走入去睇下。有室外座位。落地大玻璃隔开，景观开扬。简单至一枱一櫈，都好有特色。仲有大量小装饰，睇得出店主花咗唔少心思。Menu简简单单，以咖啡为主题☕️由于阿妈打电话嚟吹返屋企食饭😂本身叫咗杯热mocha喺到饮，中途先转拎走饮。店员好好人好客气，即刻话会帮我安排。就算外卖杯，打开盖都依然有个靓靓拉花。咖啡味香浓，入口顺滑，甜度适中，个人口味问题觉得朱古力味唔太够。今次冇得坐喺度饮有啲可惜，下次落堂会再去过坐低慢慢叹。