魂燒 (已易手) 新餐厅

对吃货来说，最痛苦莫过于“有得睇冇得食”。 早排朋友来魂烧食海胆饭，send咗张相俾我.......心思思咗一排，今晚终于有机会 拉埋朋友一齐来朝圣喇!今日天气超热， 好彩一入到去就有淡淡嘅凉风。相信大家都试过，明明室外好热但入到商场就超冻，咁样好易感冒。 呢部冷气唔会开得好大，凉凉地咁样比较舒服。-秘制海胆饭海胆鲜甜，完全唔会腥， 仲要成板咁上，非常豪爽。将蛋黄同饭捞匀令个饭都好滑溜，118蚊绝对物超所值，必食!-顶级安格斯牛扒饭 牛扒肉质鲜嫩，整得啱啱好，唔会太韧。秘制酱汁亦带出左牛肉鲜甜，值得一试!-极上牛小排鹅肝拉面虽然面质同正统拉面店有距离， 但平时嘅拉面店就冇咁特别嘅配料可以拣。158蚊一碗面，竟然有三片鹅肝， 有咁高质素嘅配料，汤底又鲜甜， 可以一试。-鹿儿岛a4和牛拉面和牛拉面质素亦唔错， 食得出同普通肥牛唔一样，呢个真系试咗先知!-烧芝士蚝烧生蚝方面，可以拣芝士、蒜香或者汁烧。 我哋拣咗重口味嘅芝士。蚝嘅鲜味中和咗芝士嘅咸味， 虽然大约30蚊一只唔算好平，但系物有所值。可惜嘅系今次食唔到限量嘅蟹黄饭，唯有等下次再嚟碰下运气。