影片
更多
2015-07-17
1039 浏览
到左happy friday又系聚会既好日，今日想凑下汉堡热，然后就拣左呢间响中环既汉堡店。路程其实一d都唔易，亚毕诺道，一个陌生既街名，其实系位置兰桂坊上面再上面，走左好多斜路同楼梯，身水身汗总于黎到。The diner走欧美路线，装修都充满浓浓既英伦味道，除左左边舒服既卡位，我地坐响中间位置都非常宽敞。垫枱纸上面写既系汉堡既menu，除左最出名既牛肉汉堡，下面仲有四款系冇牛肉既，因为怕左食完牛肉会有痘痘问题，今次我就拣左Chicken Burger($149)。厚厚既汉堡入面夹住烟肉、生菜，当然唔少得主角，即系鸡块，烟肉煎得比较硬，如果唔系连埋个包一齐食（即系好似我咁切到个汉堡包东歪西倒），就好似食紧好韧既猪肉干，而且会超级咸。鸡块就好食得多，肉质刚刚好唔会太韧，又唔会太咸，更加冇淑女们会担心既痴牙问题。当然喇，其实食汉堡包系应该大大啖食至岩。随套餐附上既有好精致既薯条，新鲜时放落口系脆既，仲有少少咸味，唔需要再自己落盐。但耐左就会开始变硬，咬到牙仔有d软。另外送既沙律落左苹果同洋葱，都尚算清新开胃。我仲试左朋友既mac n cheese balls($78)，虽然只有少少几粒，但
到左happy friday又系聚会既好日，今日想凑下汉堡热，然后就拣左呢间响中环既汉堡店。
路程其实一d都唔易，亚毕诺道，一个陌生既街名，其实系位置兰桂坊上面再上面，走左好多斜路同楼梯，身水身汗总于黎到。
The diner走欧美路线，装修都充满浓浓既英伦味道，除左左边舒服既卡位，我地坐响中间位置都非常宽敞。
垫枱纸上面写既系汉堡既menu，除左最出名既牛肉汉堡，下面仲有四款系冇牛肉既，因为怕左食完牛肉会有痘痘问题，今次我就拣左Chicken Burger($149)。
厚厚既汉堡入面夹住烟肉、生菜，当然唔少得主角，即系鸡块，烟肉煎得比较硬，如果唔系连埋个包一齐食（即系好似我咁切到个汉堡包东歪西倒），就好似食紧好韧既猪肉干，而且会超级咸。鸡块就好食得多，肉质刚刚好唔会太韧，又唔会太咸，更加冇淑女们会担心既痴牙问题。当然喇，其实食汉堡包系应该大大啖食至岩。
随套餐附上既有好精致既薯条，新鲜时放落口系脆既，仲有少少咸味，唔需要再自己落盐。但耐左就会开始变硬，咬到牙仔有d软。另外送既沙律落左苹果同洋葱，都尚算清新开胃。
我仲试左朋友既mac n cheese balls($78)，虽然只有少少几粒，但话明芝士波，朋友食左两粒已经开始济，食落系有少少辣味，系几香既但不易食太多，多人share一人一两粒就够哂。
另外饮品方面都非常有特色，奶昔系佢地既招牌之一，我拣左麦提莎奶昔（$78），主要系用雪糕加打碎既麦提莎整成，如果食完汉堡套餐再饮就有点太heavy了，不过饮落口感都几滑，不过个人觉得沉左底既麦提莎碎份量可以少d。
非常heavy既一餐，睇黎离减肥之路又远左一步...
张贴
