雞翼山 (謝斐道) (已結業)

我相信个个同我一样，都好钟意食鸡翼！应该都无人唔钟意😂！鸡翼除左去快餐店食之外，最近仲可以当街头美食添！呢排个个都去试鸡翼山，好似几好食😋咁，于是我琴日都去试一试！先讲下价钱先，$38有4只，$48有6只，都要成$8-10一只，其实价钱比连锁快餐店贵，但要睇埋味道先。鸡翼全部都系即叫即制，所以好新鲜，好脆口。味道我就拣左呢款咸蛋味，入面有好少少香草味同好浓咸蛋味，配埋新鲜炸好既鸡翼系好夹，咸蛋味加上香脆外皮，真好好食😋！ 而鸡翼本身即好多肉汁又厚肉，唔似系平时冻肉舖既鸡翼，所以食落真好吸引。我食果几只唔会突然D骨断开，因为对食鸡翼嚟讲真好无瘾😂！有冇人同我一样，钟意咬埋D软骨？D软骨都ok，无带住碎骨，所以D鸡翼就唔系cheap货嚟。系就系好好食😋！但我都要讲返一句，真好油腻😅。咸蛋黄固然油腻，而我又见店员系用牛油起镬，鸡翼又脆又多肉汁，唔多唔少都会有点油腻，我食完呢4只都好似饱哂😅！我觉得呢间系好食😋，但建议叫6只或以上就比较抵！同埋唔建议一个人扫街食😅，因为一个人食4只同味道有点滞同腻，建议同朋友share！