歐意餐廳 (已結業)

我系经朋友介绍去食呢间离我屋企几个站嘅餐厅，估唔到我人生嘅第一次就献左比佢，我指嘅系食评。我朋友极力推介𠮶到嘅三重奏芝士Pizza-$68同公司三文治配杂果沙律-$46。果然古人诚不欺我，信兄弟嘅包冇错，我𠮶日真系食到舔舔利。我特别钟意佢哋嘅芝士Pizza，真系好鬼邪恶，芝士又多，又拉得好长，芝士味又好Rich，真系不得了，令人欲罢不能。佢个Pizza都几大个，一个人都食唔晒，建议各位如果去食要自备食盒。而𠮶公司三文治配上𠮶𠮶沙律，真系好啱三点三嘅时候叹下。三层三文治夹上生菜蕃茄火腿同鸡蛋，营养均衡又好食，面包烘嘅火候啱啱好，唔会太干，鸡蛋够晒松软。最令我惊喜嘅系个沙律，佢有加左青瓜入去，成个口感同味道十分嘅清爽清新，十分嘅啱我口味。呢间舖头比足我十分嘅惊喜，睇黎下一次就到我介绍比其他人，支持。