米走雞Deluxe (已搬遷) 新店位置

突然好想食芝士锅，所以就上网搜寻下边到有得食，见米走鸡有个芝士鸡煲都几吸引，而且火锅配料可以选择半份，岩晒我地两个人，所以就决定去试下喇！黄金芝士鸡煲(细)鸡煲可以自选芝士份量，我地简左正常，但已经铺满澎湃既芝士碎，店员叮嘱吾好打开盖搅拌，煮好就会过黎帮我地打开个盖，一直望住d芝士慢慢融化，真系好邪恶呀！等左大约十分钟左右，终于有得食喇！一打开个盖就有好香既芝士味飘过黎，鸡同芝士混成一体，鸡件大件又多肉，鸡肉仲好嫰滑添，细煲份量都几多，足够两个人食。鸭肝M5和牛丸(半份)自家手打和牛丸口感弹牙又juicy，肉味香浓，鸭肝系藏左系中间，充满膻香味。哈哈虾中宝（半份）自家手打超巨型虾丸，整颗都充满虾仁，虾肉非常新鲜，爽口弹牙。日本广岛蚝 (6只)广岛蚝肥美饱满，蚝味浓郁。