麥當勞

营业中

休息中

仲记得上年m记出榴莲麦旋风，风潮劲到好多分店都排长龙甚至卖哂，无缘一试。今年再「夏」一城，个底系芒果新地配上真榴莲肉，广告版上金黄色嘅麦旋风好似呼唤紧我咁，$25食m记雪糕到底值唔值呢？最后我都系买左基本版$25，其实芒果新地就咁买就平一半，但睇住店员系麦旋风上面「新鲜加上」一球纯榴莲肉，感觉几真材实料嘅。 先试一啖榴莲肉，好香好滑，然后再拨系杯边捞匀，中间系芒果新地，每样一啖又得，捞埋一啖又得，榴莲应该系无加甜嘅，所以同芒果新地几夹，颜色亦好吸引，如果喜欢品赏榴莲味嘅，我估旧版配原味雪糕会味道突出d。至于加多一球榴莲肉$15，加2球多$25，值唔值就见仁见智，整体都算几满足