kindergarten (已結業)

一早已经BOOK定位来此店品尝高茶, 叹下茶食件饼同朋友HEA下吹下水咁先可以平衡下平时忙碌既工作生活.三层架既食物卖相极之吸引, 对于我来讲觉得此店既甜点做得比咸点出色, 低层以咸点主要多士为主配上不同馅料, 可惜多士烘得过火有点干身.中层既英式松饼及焦糖炖蛋, 二款都合我心意, 特别喜欢佢地既SCONE重牛油味再加上士多啤梨果酱酸酸地中和牛油味既油腻感.炖蛋做得非常幼滑蛋味香浓,亦是深得我欢心.上层士多啤梨挞及朱古力酥皮都做得唔错, 鲜甜既大粒既士多啤梨用上松脆既挞皮包住内里加上甜而不腻吉士酱真系令人想食多件.最后加一杯招牌冻朱古力饮品真系同卡路里SAY GOOD BYE, 明知HIGH TEA配上花茶/柠茶可以消滞, 但此店既冻朱古力真系极之邪恶令人一试难忘.用上冰粒与香浓朱古力打成冻饮, 每一啖都有阵阵朱古力再加入雪糕做底更加令整杯饮品额外奶滑.