影片
更多
2019-01-06
607 浏览
约左班frd聚旧，拣左呢间无限时的韩烧，可以尽情吹水一坐低侍应就帮我地set好个炉，上前菜，倒蛋浆，前菜同芝士烤蛋系任食的，味道唔错呀（芝士蛋加泡菜原来系好好味的）菜单上有2个2-3人套餐，分别系$480、$580，睇落唔系好抵，所以决定散叫！我地叫左以下菜式，同大家分享下：雪花牛 - 肉嫩有牛味鸡扒 - 大大块几抵食，味道唔错，用熨斗压住黎烧等佢受热均匀啲，配合熨烤达人的主题牛舌 - 唔够分无食到，睇个样应该Ok牛肋骨 - 一份有两条，肉质嫩滑，唔错！单骨鸡翼 - 正常一起捞过的日子 - 呢个捞饭几特别，有青瓜、蛋丝、蟹籽、脆脆、雪糕筒、唔知咩豆，捞沙律酱，味道几得意，甜甜地脆脆地，不过沙律酱太多有啲「漏」，下次笔走一半沙律酱就啱啱好！炆牛肋骨 - 炆得几淋，好味！炸芝士蕃薯波 - 佢叫做邪恶到爆，但本人觉得唔算好邪恶。我无点酱汁，觉得无乜味，点左酱应该会好味啲！芝士菇 - 正常芝士炸鸡 - 好多芝士，炸鸡大大件，炸鸡捞埋芝士味道刚刚好，唔会太咸，芝士拉丝足足拉到3呎高，呢个先系邪恶的癫峰，最后成盆芝士清晒埋单每人$242，食到个个捧著个肚，食物质素好过一般任食韩烧，又唔限时，都算抵
一坐低侍应就帮我地set好个炉，上前菜，倒蛋浆，前菜同芝士烤蛋系任食的，味道唔错呀（芝士蛋加泡菜原来系好好味的）
菜单上有2个2-3人套餐，分别系$480、$580，睇落唔系好抵，所以决定散叫！
我地叫左以下菜式，同大家分享下：
雪花牛 - 肉嫩有牛味
鸡扒 - 大大块几抵食，味道唔错，用熨斗压住黎烧等佢受热均匀啲，配合熨烤达人的主题
牛舌 - 唔够分无食到，睇个样应该Ok
牛肋骨 - 一份有两条，肉质嫩滑，唔错！
单骨鸡翼 - 正常
一起捞过的日子 - 呢个捞饭几特别，有青瓜、蛋丝、蟹籽、脆脆、雪糕筒、唔知咩豆，捞沙律酱，味道几得意，甜甜地脆脆地，不过沙律酱太多有啲「漏」，下次笔走一半沙律酱就啱啱好！
炆牛肋骨 - 炆得几淋，好味！
炸芝士蕃薯波 - 佢叫做邪恶到爆，但本人觉得唔算好邪恶。我无点酱汁，觉得无乜味，点左酱应该会好味啲！
芝士菇 - 正常
芝士炸鸡 - 好多芝士，炸鸡大大件，炸鸡捞埋芝士味道刚刚好，唔会太咸，芝士拉丝足足拉到3呎高，呢个先系邪恶的癫峰，最后成盆芝士清晒
埋单每人$242，食到个个捧著个肚，食物质素好过一般任食韩烧，又唔限时，都算抵食！
唯一不足之处系个厕所唔干净，男女共用，又冲唔到厕，希望下次去会有改善！
张贴
