陳漢記 (已結業)

今晚晚饭食早咗，10点几已经好肚饿，唯有食宵夜医肚，谂起好想肠粉所嚟咗哩度食。因为秋天好多人嚟哩度食煲仔饭，所以都要喺门口乖乖地等15至20分钟先有位。一坐低即刻叫个(牛肉肠粉)，好滑啲皮又薄，每次嚟都会order。然后叫咗(炸贡丸/$60/8粒)，系有啲贵，但真系炸得好好，金黄外皮，好香好有咬口。推介(爽滑鱼皮)，滑溜溜嘅鱼皮配合少甜豉油，有少少辣辣地。最后叫咗云呑牛腩河，普普通通。唔觉唔觉食咗好多，美食当前有时真系好难抗拒。