影片
更多
2018-06-22
230 浏览
同几位朋友约左喺荃湾食饭，当中有人话去鸟山名食，仲包保啱啱去完日本嘅我都未食过牛肠锅。牛肠锅？真系未试过， 但对于我呢个重口味嘅人， 完全开正我𠮶范！ 有朋友听到之后面露难色 ，好彩提议去呢间餐厅果个朋友即刻话果度有佢至爱的日式汤面，一定唔会令佢失望。一行人到达D-Park，好彩朋友带路，因为底层有商铺装修紧围哂板，唔留心真系唔觉有条巷仔行得入去，餐厅原来就系玩具反斗城隔离。装修几靓，尤其钟意佢天花的设计，系入口同坐低后望过去所睇到的好唔同。因为闲日，好快就有枱，我地有得坐卡位，好舒适，啱囇倾计。见到旁边一排酒樽display，可惜揸车黎，无得饮酒。餐牌无论食物或饮品都比其他日式餐厅多好多选择，价钱有平有贵，丰俭由人。我即刻就点左个串烧鸡心($28)，牛油果软壳蟹反卷($52/3件)，当然点埋博多牛肠火锅($150)，原来佢好似中式火锅咁，可以加配料加汤的食法。朋友就叫左炙烧三文鱼腩左口鱼背玉子饭配手打牛肉乌冬($100)，吉列猪扒手打乌冬($82)，酱油渍牛舌拉面($88)同炸鱿鱼软骨($45)。朋友的刺身饭+乌冬先到，两个都系迷你版，啱哂贪心想试多啲嘢的人。虽然睇落似女士size，
牛肠锅？真系未试过， 但对于我呢个重口味嘅人， 完全开正我𠮶范！ 有朋友听到之后面露难色 ，好彩提议去呢间餐厅果个朋友即刻话果度有佢至爱的日式汤面，一定唔会令佢失望。
一行人到达D-Park，好彩朋友带路，因为底层有商铺装修紧围哂板，唔留心真系唔觉有条巷仔行得入去，餐厅原来就系玩具反斗城隔离。
装修几靓，尤其钟意佢天花的设计，系入口同坐低后望过去所睇到的好唔同。因为闲日，好快就有枱，我地有得坐卡位，好舒适，啱囇倾计。见到旁边一排酒樽display，可惜揸车黎，无得饮酒。餐牌无论食物或饮品都比其他日式餐厅多好多选择，价钱有平有贵，丰俭由人。
我即刻就点左个串烧鸡心($28)，牛油果软壳蟹反卷($52/3件)，当然点埋博多牛肠火锅($150)，原来佢好似中式火锅咁，可以加配料加汤的食法。朋友就叫左炙烧三文鱼腩左口鱼背玉子饭配手打牛肉乌冬($100)，吉列猪扒手打乌冬($82)，酱油渍牛舌拉面($88)同炸鱿鱼软骨($45)。
朋友的刺身饭+乌冬先到，两个都系迷你版，啱哂贪心想试多啲嘢的人。虽然睇落似女士size，但呢位男友人食完都觉得ok饱，仲赞果2款刺身同系日本食到嘅一样咁好味，烧过后好香油香味。但佢最欣赏系个汤乌冬！汤底好清甜，乌冬煮得啱啱好，有咬口，而牛肉亦唔会过熟，重牛肉味。听完我都忍唔住试左少少，又真系几好味㖞！
炙烧三文鱼腩左口鱼背玉子饭
15 浏览
0 赞好
0 留言
手打牛肉乌冬
10 浏览
0 赞好
0 留言
吉列猪乌冬个汤底应该系同个牛肉乌冬一样嘅，猪扒炸得都唔错，仲配埋椰菜丝沙律另上，可以慢慢食，唔惊浸淋。
吉列猪扒手打乌冬
18 浏览
0 赞好
0 留言
另外朋友的牛舌拉面系黑蒜油汤底，相对系来就香浓好多，要赞下师傅刀功，碗面有超过10块牛舌，每块都切得几薄身，但食起来依然有质感，咬落爽口！呢位朋友系慢世魔君，食到尾佢话个拉面都无变得淋囇。
酱油渍牛舌拉面
18 浏览
0 赞好
0 留言
炸鱿鱼软骨的份量都有惊喜，唔怪得朋友话点黎一齐食。食完大家都赞，佢质感唔同炸鲜鱿咁软身；亦唔同鸡软骨，佢系爽口，而唔系爽脆，而且每粒都大大粒，有嚼劲，食完一粒又一粒。
炸鱿鱼软骨
21 浏览
0 赞好
0 留言
我的串烧鸡心好好味，难得烧完都仲咁juicy同tender，个汁啲味好夹，至怕有啲地方的烧汁整到又甜又腻。
串烧鸡心
7 浏览
0 赞好
0 留言
个软壳蟹反卷都几好，牛油果够熟，creamy，配埋炸得香口的软壳蟹。
终于等到主角牛肠锅出场，有好多蒜片，椰菜，九菜。好浓味，牛肠炆得好软淋，好香。虽然知道系高胆固醇，但真系忍唔住食完一碗又一碗，唔系成日食，唔紧要啦。(一路打，一睇番张相又想食……) 可能原意系用来加汤做火锅，所以我原煲食到尾段时有啲咸。
博多牛肠火锅
20 浏览
0 赞好
0 留言
成餐饭都系$600，好抵。虽然今晚唔太忙，但餐厅都有好多staff，好勤快咁帮我地收碟添茶，上牛肠锅时主动上碗仔同匙。
食完今次，下次出粮后要揾班重口味的朋友再黎食牛肠锅，兼可以试下啲刺身同sake，因为前面果枱啲刺身好似好正咁……
后话：我食左起码半锅牛肠锅，之后就算返到屋企都唔觉口渴，证明佢个汤浓得黎应该都无落味精。
张贴
