紅茶冰室 (已結業)

之前同老婆系荃湾食过芝士流心西多士，觉得好好食。但呢啲咁肥嘅野，老婆话唔可以成日食。今早瞓醒，老婆竟然主动话想食。但无理由山长水远走去荃湾，于是上网睇下，竟然见到观塘都开咗间。呢间冰室都几大，但入面都几爆场。系观塘区呢啲工厂大厦，星期日都咁爆，证明都有唔少捧场客。邪恶芝士流心西多士 $30 - 西多士即叫即整，热辣辣。一刀切落去，邪恶嘅芝士就涌出黎。淡淡芝士味，再同牛油、炼奶一齐食，真系令人回味。芝士炒蛋鱼柳包伴薯皇 $37 - 薯皇就普普通通，唔太突出。而鱼柳好脆口，鸡蛋嫩滑，再加埋芝士、蕃茄同生菜食，口感十分丰富。茶走 - 茶味浓，炼奶甜度刚刚好，唔会太甜。