Awfully Chocolate (已結業)

家庭成員有人生日，梗係要買個蛋糕慶祝下，吹下蠟蠋先至算完美。老婆專登去左Awfully Chocolate買左個六吋香蕉味朱古力蛋糕，就咁睇完全無特別，黑實實的朱古力鋪面，又無Cream，又無卡通人物和生果陪襯，响餐廳食飽哂之後，攞左個蛋糕出來，Ｄ小朋友經已扁哂咀，吹完蠟蠋後便四散去玩，仲話唔駛分比佢地食，心唸發達啦，可以食得大件Ｄ。食左第一啖，估唔到咁得！真係唔好比外表 "坤” 左，好濃郁既朱古力味，又唔太甜膩，真係好好味，話食飽左唔想食蛋糕既外甥仔，試左一啖之後，仲成件比佢食清哂，搞到佢爹地無得食，呢D蛋糕真係唔好做得太大個，如果唔係，唔覺唔覺係咁食，唔變肥佬至奇。６吋香蕉味承惠198元，朱古力味178元，下次再叫老婆買多個再試真Ｄ。