元祖沾麵專門店

营业中

休息中

趁复活节假期去左尖沙咀行街，疫情期间都好少出街，之前听朋友介绍过呢间邪恶芝士面，一直都未有机会试，今日经过又唔算多人，放假梗系要食好D。餐厅唔算好大间，入到去好有日式风格，餐牌都好多选择，除左沾面，仲有拉面同饭，不过一场黎到梗系要食最邪恶既芝士汤沾面。我拣左极上芝士蟹皇沾面，松叶蟹膏用芝士烧过，好香好浓，蟹膏好鲜甜，沾面都几大碗，仲有4块叉烧，叉烧好甜好软熟，拉面爽口弹牙，先将面浸落芝士汤底，然后D面就可以挂满芝士汁，呢个食法真系好邪恶，对于钟意食芝士既我黎讲真系好正，如果唔食芝士，仲可以拣赤海老或龙虾汤底。