Neighbor (已結業)

周六晚因仍忙于为翌日o既生日派对筹备三小时舞曲，傍晚时份就同舞友喺邻近工作坊间「Neighbor」度食晚餐，叉满电后先再拣歌歌。XO仔最爱两层高o既餐店咁有户外感o既装潢，见到四周围啲花花草草身心都好似特别轻松愉快咁，第一次光临o既靓女舞伴亦有同感，话估唔到简单o既草园设计可以有咁焕然一新o既感觉。坐喺宽阔o既卡位最为舒畅。埋位即有暖水两杯。及餐牌两份。其中一份系平时都见o既两页散叫及套餐餐牌。而另外一份系店子啱啱新推o既汉堡餐系列。爱试新野o既小肥就点咗份「超级芝士牛肉汉堡」。女伴点咗客「美国安格斯肉眼」，配冻柠檬茶。求奇特饮（$43）：由于环境太靓，小弟就决定好唔求奇咁点咗杯求奇特饮。鲜红艳丽o既特饮不单吸引，呷一口即尝到草莓及红莓o既香甜，加上柠檬梳打o既泡泡，效果清爽得一啲都唔求奇。超级芝士牛肉汉堡（$78）：外表看似平凡o既超级芝士牛肉汉堡一刀切落去已觉包品同牛肉馅心都一样松软。食埋落口就知汉堡口感同味道都极为丰富，包身松软之余，连同新鲜爽脆o既生菜、蕃茄、生洋葱醉及香浓热辣o既芝士，组合非常协调。菠菜鹅肝多士（$88）：两口子另外仲分咗客鹅肝多士。垫底o既多士好松脆，顶面件